DiE MoEt WeEt OoR GluTeN

Gluten is ‘n proteïen wat gevind kan word in graansoorte soos, koring, rog en gort. Koring is ‘n belangrike bron van energie wat ons liggaam benodig. Sommige mense het negatiewe reaksies teenoor kos wat gluten bevat, dit kan wees as gevolg van gluten-sensitiwiteit of gluten-allergie. Die belangrikste stap om dit te behandel is deur gluten heeltemal te vermy. 

 

Gluten- sensitiwiteit

 

Gluten-sensitiweit raak al hoe meer ‘n probleem in ons moderne samelewing as gevolg van hoë spannings vlakke. Dit veroorsaak dat ons spysverteringstelsel verswak en jou liggaam meer kwesbaar is vir simptome van gluten-sensitiwiteit. Jy kan een of meer simptome hê om met gluten-sensitiwiteit gediagnoseer te word. Moontlike simptome sluit in:

 

v  Maagkrampe

v  Opgeblasenheid

v  Migraines

v  Swak eetlus

v  Moegheid

v  Naarheid

v  Diarree

v  Benoudheid

v  Gewigsverlies

 

 

Wat moet jy vermy?

 

Alle produkte wat gluten bevat moet heeltemal vermy word. Maak altyd seker wat in produkte voorkom deur die etiket te lees, aangesien gluten in baie produkte wegkruip waarvan ons nie bewus is nie. Gluten word baie keer as ‘n bindmiddel of verdikker gebruik in verwerkte produkte. Voorbeelde van gluten produkte sluit in:

 

v  Algemene produkte: Brood, pasta, koek en koekies, hawermout en koeskoes, ontbytgraankos, pasteie en gekrummelde vleis of vis.

v  Wegkruip produkte:  Geprosesseerde vleise soos kouevleis, worsies en frikkadelle; gebottelde en poeier soppe en souse; speserye, sommige blikkieskos, bakpoeier, moutdrankies soos bier en whiskey; roomys, sjokolade, lekkers, warmdrankies bv. sekere kitskoffies, milo en hot chocolate.

 

Wat kan jy wel eet?

 

Voor jy moedeloos raak, daar is nogsteeds baie produkte wat jy wel kan eet. Normale groente, vrugte en vleise kan jy eet soveel jy wil. Daar is heelwat graansoorte wat glutenvry is soos, mielies, stampmielies, bruin-en witrys en polenta. Alternatiewe glutenvrye produkte sluit in:

 

v  Meelsoorte byvoorbeeld: patat-, aartappel-, mielieblom-, soja-, rys-en amandelmeel

v  Rys-en mieliepasta, sago, tapioca en ryskoekies